The Spectator անգլ.՝ The Spectator | |
---|---|
![]() 1711 թ. հունիսի 7-ի թողարկումը | |
![]() | |
Տեսակ | հանդես և ստեղծագործություն |
Ժանր | զննող պարբերական |
Լեզու | անգլերեն |
Գլխավոր խմբագիր | Ջոզեֆ Ադիսոն[1] և Ռիչարդ Սթիլ[1] |
Հիմնադրվել է | 1711 |
Հիմնադիր | Ջոզեֆ Ադիսոն, Ռիչարդ Սթիլ |
Երկիր | Միացյալ թագավորություն |
Գրասենյակ | Լոնդոն, Մեծ Բրիտանիայի թագավորություն |
Լուծարվել է | դեկտեմբեր 1712 |
Հաճախականություն | օրական, շաբաթական |
![]() |
The Spectator (հայ.՝ «Դիտողը», «Հանդիսատեսը») բրիտանական պարբերական, որի հիմնադիրներն են Ջոզեֆ Ադիսոնն ու Ռիչարդ Սթիլը։ Առաջին անգամ լույս է տեսել 1711 թ. մարտի 1-ին, և շարունակել է հրատարակվել մինչև 1712 թ.[2]։ Ամեն թողարկումը պարունակում էր մեկ էսսե (շարադրություն)՝ շուրջ 2500 բառից կազմված և անդրադարձող Մեծ Բրիտանիայի ու աշխարհի տարբեր իրադարձություններին, այդ թվում՝ քաղաքականություն, տնտեսություն, կրոն, հասարակության հագ ու կապ և գենդերային կանոններ։ Որպես հեղինակ համարվում էր Mr. Spectator-ը (պարոն Դիտող)՝ Ադիսոնի ու Սթիլի հորինած կերպարը, ով իբրև իր շրջապատը թաքուն դիտելով՝ զննելով եզրակացություններ էր կատարում իր գրած էսսեներում։
Երկու տարիների ընթացքում հրապարակված համարները կազմեցին 555-ը, որոնք սկզբում թողարկվեցին յոթ հատորով։ 1714 թ.-ին Ադիսոնը վերսկսեց իր գործունեությունը՝ արդյունքում կազմելով էսսեների հավելյալ՝ ութերորդ հատորը։ Սակայն այս անգամ նա աշխատեց առանց Սթիլի մասնակցության։ Ավելին՝ ամենօրյա թողարկումների փոխարեն Ադիսոնը ստիպված եղավ անցնել շաբաթը երեք անգամի և այսպես շարունակեց վեց ամիս։
Բացի Ադիսոնից ու Սթիլից, իրենց ներդրումն են նաև ունեցել Յուսթաս Բադջելը՝ Ադիսոնի զարմիկը, և բանաստեղծ Ջոն Հյուզը։